MANILA – Hinahangad ng Light Rail Manila Corporation (LRMC) at Ateneo De Manila University (ADMU) na lumikha ng mga bagong kurso at programa sa railway engineering simula ngayong darating na school year para paunlarin ang industriya ng tren sa bansa sa pamamagitan ng edukasyon.

Sa isang pahayag noong Huwebes, ang LRMC — ang operator at maintenance provider ng Light Rail Transit Line 1 (LRT-1) — ay nagpahayag ng plano nitong pakikipagtulungan sa School of Science and Engineering ng ADMU upang suportahan ang “lumalaking pangangailangan ng bansa para sa highly-skilled, karampatang, at world-class na manggagawa sa tren.”

“The preliminary ADMU courses planned for the school year (SY) 2022-2023 include Course 1: Transportation and Society, Course 2: Principles of Railway Transportation, and Course 3: Railway Management and Engineering,” isinaad nito.

Ang unang kurso ay magsisilbingelective general course sa transportasyon; ang pangalawang kurso ay technical industrial engineering course; at ang pangatlo ay isang major elective na bukas sa lahat ng mga mag-aaral sa computer engineering na kumukuha ng railway engineering track at sa mga kumukuha ng minor program sa railway engineering.

Ang mga pasilidad ng LRMC ay magsisilbing laboratoryo para sa limang buwang internship program simula School Year 2022-2023.

“Students selected to undergo the internship program will gain exposure to railway maintenance and construction management, project management, and working in a corporate set-up,” isinaad nito.

Tinitingnan din ng LRMC at ADMU kung paano magagamit ang inobasyon at teknolohiya sa mga proyektong pananaliksik na isasagawa ng mga mag-aaral at guro upang matugunan ang mga hamon o gap sa sektor ng transportasyon.

Sinabi ni LRMC President and CEO Juan Alfonso, na nakaupo rin bilang miyembro ng Advisory Board ng Ateneo Research Institute of Science and Engineering, na ang pakikipagtulungan ay matagal nang plano ng LRMC kasunod ng pagtulak ng gobyerno para sa ilang mga proyekto sa transportasyon.