MANILA – Magpapagawa ang Department of Public Works and Highways (DPWH) ng mas maraming infrastructure projects sa ilalim ng ‘Build, Build, Build’ program na nagsimula sa ilalim ng administrasyon ni dating pangulong Rodrigo Duterte.

Sinabi ni DPWH Secretary Manuel Bonoan na iniutos ni Pangulong Ferdinand R. Marcos Jr. ang pagbibigay-priyoridad sa mga imprastraktura na makatutulong sa food security program ng gobyerno sa gitna ng tumataas na inflation.

“The current administration will continue to pursue big-ticket projects under the Build, Build, Build Program as instructed by President Ferdinand R. Marcos Jr.,” wika niya sa isang pahayag.

Idinagdag pa ng DPWH chief na ang mga proyektong pang-imprastraktura ay ang mga makatutulong sa mga magsasaka tulad ng farm-to-market roads sa convergence sa Department of Agriculture.

Gayundin, sinabi niya na ang iba pang prayoridad ay ang pagkakaugnay ng mga rehiyon at mga programa ng convergence sa iba pang ahensya.

Sinabi ni Bonoan na magpapatuloy ang DPWH sa pag-tap sa pribadong sektor para sa pagpapabuti ng road network ng bansa sa pamamagitan ng Public-Private Partnership (PPP) Program.

Kasabay nito, tiniyak niya sa publiko na siya ay mamumuno sa pagkintal ng propesyonalismo sa kanyang mga kasamahan, at idinagdag na ang departamento ay tumatanggap ng public feedback at komento.

“We encourage the public to reach out and help in nation-building. Any issue or complaint may be coursed through our social media pages, email, and hotline numbers,” wika ni Bonoan.