MANILA — Ipapatupad ng Philippine National Police ang gun ban para matiyak ang seguridad sa mga kaganapan sa inagurasyon nina President-elect Ferdinand Marcos Jr. at Vice President-elect Sara Duterte.
Ang gun ban ay ipapataw sa Davao region mula Hunyo 16 hanggang 21 at mula Hunyo 27 hanggang Hulyo 2 sa Metro Manila, ani Police MGen. Valeriano de Leon, PNP director for operations.
Si Marcos ay manunumpa sa panunungkulan sa National Museum of Fine Arts sa Maynila sa Hunyo 30.
“That [gun ban] is three days before [the event] and two days after [the event]. Why? Because we have clearing areas and if there are incidents that warrant investigation,” wika ni De Leon.
Samantala, gaganapin ang inagurasyon ng Duterte-Carpio sa San Pedro Square malapit sa Davao City Hall sa Hunyo 19. Dadalo sa event sina outgoing President Rodrigo Duterte at dating Pangulong Gloria Macapagal-Arroyo.
