MANILA – Hinimok ni Pangulong Rodrigo Duterte nitong Lunes ng gabi ang mga Pilipino na tanggapin ang mga resulta ng botohan noong Mayo 9, na binanggit na ang mga papasok na lider kabilang si President-elect Ferdinand “Bongbong” Marcos Jr. ay mangangailangan ng kanilang kooperasyon upang matiyak ang tagumpay ng bansa.
“President-elect Marcos would need the cooperation and help of everybody. We must give it to him,” sinabi ni Duterte sa kanyang pang-apat hanggang sa huling Talk to the People.
Dapat aniyang igalang ng publiko ang desisyon ng nakararami, idinagdag na ito ang esensya ng demokrasya.
“Pag nagsalita na yung taongbayan kung sino yung mga leader na gusto nila, sunod tayo. Iwasan ninyo ang politika,” dagdag niya.
Sinabi ni Duterte na dapat “magkaisa” ang mga Pilipino sa pagharap sa mga isyu tulad ng umiiral na krisis sa kalusugan ng Covid-19 at pagpapabilis ng pagbangon pagkatapos ng pandemya.
“We have no room for politicking or actions that are divisive to the country. Nagsalita na ang tao, may mga lider tayo, and me, wala na ako. I will say nothing,” wika niya.
Mali aniya na “punahin lang” ang papasok na administrasyon na halos hindi pa nagsisimulang magpatupad ng anumang mga patakaran at programa.
“Ang ayaw ko, baka may maiwan pa, yung namumulitika pa rin. Or you know, just plain criticize itong bagong administrasyon. You do not do that,” dagdag niya.
Maayos, mapayapa na transisyon
Tiniyak ni Duterte sa publiko ang isang “maayos” at “mapayapa” na paglipat ng kapangyarihan sa kanyang kahalili.
“As we approach June 30, this administration is both ready and eager to hand over the reins of government to our incoming leaders. I assure everyone that this process will be smooth and peaceful as we want the next administration to succeed for the benefit of country,” aniya.
Binanggit niya na sa pamamagitan lamang ng pagkakaisa at pagtutulungan na malalampasan ng bansa at mamamayan ang mga hamon ng bansa.
“My fellow Filipinos, the next administration needs all our support and solidarity. Let us therefore give them our goodwill and best wishes as they endeavor to lead our country towards a better future,” dagdag niya.
Samantala, muli niyang pinasalamatan ang mga Pilipino sa pagsuporta sa kanyang anim na taong termino bilang pangulo ng bansa.
“To the people of my country, it was a fruitful and productive journey with the help of people from all sectors who I thought early on who can help be build a better future for our children. Maraming maraming salamat sa inyong pagbigay ng tiwala sa akin,” wika niya.
Sinabi ni Duterte na ang tanging hangarin niya ay ang bumaba sa puwesto na may mabuting bansa para sa henerasyong ito at sa mga susunod na henerasyon sa pamamagitan ng kanyang iba’t ibang mga patakaran at programa, partikular na ang pagsugpo sa kriminalidad at ilegal na droga ng kanyang administrasyon.
“Kung may ano man ako, advocacy ko, it’s really to protect the next generation,” aniya.
Sinabi niya na inaabangan niya ang kanyang pagreretiro mula sa pulitika, ngunit binanggit na magpapatuloy siya sa pagsasalita kung kinakailangang gawin ito.
“If there is a compelling need for me to talk, I will do it. But my drift is just really to retire quietly. No more politics for me,” dagdag niya.
Si Marcos ay ipinroklama bilang ika-17 Pangulo ng Republika ng Pilipinas sa Batasan Pambansa sa Quezon City noong Mayo 25.
Ang running mate ni Marcos sa 2022 national elections, Davao City mayor at anak ni Pangulong Duterte, si Sara Duterte ay iprinoklama din bilang ika-15 bise presidente ng bansa.
Nakita ng Marcos-Sara, na tinawag na UniTeam, ang pagtitipon ng pinakamalalaki at pinakamatandang political clans sa bansa, sa pamamagitan ng mga partidong itinatag nila.
Si Duterte ay bababa sa pwesto sa tanghali ng Hunyo 30. Kahalili niya si Marcos, anak ni dating Pangulong Ferdinand E. Marcos.
