MANILA – Nilagdaan ni Pangulong Rodrigo R. Duterte ang dalawang batas na kumikilala sa kahalagahan ng industriya ng abaka at industriya ng itlog sa Pilipinas.

Nilagdaan ni Duterte ang Republic Act No. (RA) 1170 na nagdedeklara sa lalawigan ng Catanduanes bilang Abaca Capital of the Philippines noong Abril 15.

Sa ilalim ng batas, kinikilala ng estado ang kahalagahan ng industriya ng abaca at ang pag-unlad nito sa kanayunan hindi lamang dahil sa natatanging potensyal nito bilang isang raw material na maaaring magtaas nang husto sa kita ng bansa sa export at ilagay ang pangalan ng bansa sa mapa ng mundo para sa paggawa ng pinakamaraming hibla ng abaca ngunit dahil sa pagbibigay ng kabuhayan sa maraming maliliit na magsasaka sa kanayunan.

“In recognition of its status as the country’s biggest producer of abaca and making the Philippines world-renowned as “Manila Hemp” in the fiber industry, and in support to the agricultural development of the province, it is hereby declared that Catanduanes be the Abaca Capital of the Philippines,” ayon sa batas.

Ang RA 1170 ay ipinasa ng Senado bilang Senate Bill No. 1978 noong Enero 31, 2022 at pinagtibay ng House of Representatives bilang pag-amyenda sa House Bill No. 6149 noong Pebrero 2, 2022.

Matagal nang kilala ang Pilipinas bilang nangungunang producer ng abaca, na itinuturing na isa sa pinakamalakas na natural fibers sa mundo at tinuturing na “future fiber” ng United Nations.

Nangunguna ang lalawigan ng Catanduanes na may pinakamataas na produksyon ng abaka sa bansa–na may 31.72 porsyentong kontribusyon sa produksyon ng bansa noong 2020; 33.74 porsyento noong 2019; at 33.37 porsyento noong 2018.

Ang Catanduanes ay bumubuo ng higit sa 80 porsyento ng produksyon ng rehiyon ng Bicol na may hindi bababa sa 21,500 ektarya ng lupain na nakatuon sa pagtatanim ng abaca.

Egg basket of the Philippines

Noong Abril 17, nilagdaan din ni Duterte ang RA 11707 na nagdedeklara sa munisipalidad ng San Jose sa lalawigan ng Batangas bilang egg basket ng Pilipinas.

“The Municipality of San Jose in the province of Batangas is hereby declared as the ‘Egg Basket of the Philippines’ in recognition of the economic significance of its egg industry at both local and national levels,” ayon sa batas.

Ang San Jose ay isang first-class na munisipalidad na may pinakamataas na produksyon ng itlog na hindi bababa sa 70,000 tonelada ng mga itlog sa isang taon.

Noong 2019, nag-ambag ang munisipyo ng 12 porsiyento sa egg basket ng bansa.

Ang RA 11707 ay ipinasa ng Senado bilang SB 2044 noong Enero 31, 2022 at pinagtibay ng Kamara bilang pag-amyenda sa HB 7660 noong Peb. 2, 2022.

Ang parehong mga batas ay inilabas sa mga mamamahayag noong Martes.