MANILA – Maaaring iendorso o suportahan ni Pangulong Rodrigo Roa Duterte ang isang kandidato sa pagkapangulo na ang pangalan ay naglalaman ng letrang “O”, sinabi ni Communications Secretary Martin Andanar, acting presidential spokesperson, nitong Miyerkules.

Ito ang tugon ni Andanar nang tanungin siya sa isang panayam sa PolitikoTV Channel kung susuportahan ni Duterte ang sinumang kandidatong tatakbo sa pagkapangulo.

Sa kasalukuyan ay may 10 kandidatong tumatakbo sa posisyon ng pangulo– former presidential spokesperson Ernesto Abella, labor leader na si Leody de Guzman, Manila Mayor Francisco “Isko Moreno” Domagoso, former national security adviser na si Norberto Gonzales, Senador Ping Lacson, negosyante sa Lanao del Sur na si Faisal Mangomdato, dating senador Ferdinand “Bongbong” Marcos Jr., Dr. Jose Montemayor Jr., Senador Manny Pacquiao, at Bise Presidente Leni Robredo.

Lahat ng kandidato sa pagkapangulo ay naglalaman ng letrang “O” sa kanilang mga pangalan.

Nang tanungin na magbigay ng letra ng isang kandidato na mas malamang na i-endorso o susuportahan ni Duterte, sumagot si Andanar ng “U”.

Ang tanging dalawang presidential bets na ang mga pangalan ay naglalaman ng letrang “U” ay sina Pacquiao at de Guzman.

Sinabi ni Andanar na malamang na walang problema si Duterte na makatrabaho ang isang kandidato sa pagkapangulo na ang pangalan ay naglalaman ng letrang “O”.

Nauna rito, muling iginiit ni Andanar na hindi iniendorso o sinusuportahan ni Duterte ang sinumang kandidato sa pagkapangulo sa ngayon.

“The President has repeatedly said that he does not support any presidential candidate unless there is a compelling reason at kung maalala niyo po dun sa interview na ginawa natin with the President, he clearly said he may or may not,” aniya sa isang Palace press briefing noong Martes.

Idinagdag ni Andanar na mas mabuting hintayin ang Pangulo na gumawa ng pinal na desisyon kung mag-eendorso siya o hindi ng anumang presidential bet.