MANILA – May isang buwan ang National Bureau of Investigation (NBI) para iulat ang umano’y tangkang pagpatay kay presidential aspirant Ferdinand “Bongbong” Marcos Jr. na ginawa sa social media platform na TikTok.

Ipinahayag ni Department of Justice (DOJ) Secretary Menardo Guevarra nitong Lunes na iniimbestigahan ng gobyerno ang lahat ng banta sa mga pampublikong opisyal, nakaraan at kasalukuyan, kabilang ang mga kandidatong tumatakbo para sa pampublikong tungkulin, sa agarang pagtanggap ng impormasyon.

“Thirty days is our standard reporting period but the NBI immediately reports if it finds something early enough,” sinabi ni Guevarra sa mga mamamahayag sa pamamagitan ng text message.

Maaari rin aniyang matunton ng DOJ Office of Cybercrime at NBI ang mga indibidwal na nagbabanta na papatayin o panggagahasa sa mga pampublikong opisyal.

“All that is necessary is for the information to reach the proper authorities,” wika ni Guevarra.

Ang banta sa kamatayan ay isang labag sa batas na gawa sa paniniwalaan man o hindi at kahit na ito ay hindi imposible, dagdag niya.

Si Bise Presidente Leonor Robredo, na tumatakbo rin bilang pangulo, ay naging paksa rin ng mga death threats noon.

Ang isang TikTok user daw ay nag-post: “We are meeting everyday to plan for BBM’s (Bongbong Marcos) assassination. Get ready.”

Sinabi ng abogadong si Vic Rodriguez, chief of staff ni Marcos, sa isang pahayag noong Linggo na “hindi kami natatakot sa naturang banta” at magpapatuloy ang lahat ng kanilang mga aktibidad sa kampanya.