MANILA – Inilagay ng Inter-Agency Task Force for the Management of Emerging Infectious Diseases (IATF-EID) ang National Capital Region at pito pang probinsya sa ilalim ng hindi gaanong mahigpit na Alert Level 2 simula Pebrero 1, ipinahayag ng Malacañang noong Linggo.
“The other areas placed under Alert Level 2 are Batanes, Bulacan, Cavite, Rizal in Luzon; Biliran and Southern Leyte in the Visayas; and Basilan in Mindanao,” sinabi ni Cabinet Secretary Karlo Nograles, acting presidential spokesperson, sa isang pahayag.
Ayon kay Nograles, inilagay ng IATF-EID ang mga sumusunod na lungsod at lalawigan sa Alert Level 3:
* Cordillera Administrative Region (CAR): Abra, Apayao, Benguet, Kalinga, Mountain Province, at Baguio City;
* Region 1 (Ilocos Region): Ilocos Norte, Ilocos Sur, La Union at Pangasinan, at Dagupan City;
* Region 2 (Cagayan Valley): Cagayan, Isabela, Nueva Vizcaya, Quirino, at City of Santiago;
* Region 3 (Central Luzon): Aurora, Bataan, Nueva Ecija, Pampanga, Tarlac, Zambales, Angeles City, at Olongapo City;
* Region 4-A (Calabarzon): Batangas, Laguna, Quezon Province, at Lucena City;
* Region 4-B (Mimaropa): Marinduque, Romblon, Occidental Mindoro, Oriental Mindoro at Puerto Princesa City;
* Region 5 (Bicol): Albay, Camarines Norte, Camarines Sur, Catanduanes, Masbate, Sorsogon, at Naga City.
* Region 6 (Western Visayas): Aklan, Antique, Bacolod City, Capiz, Iloilo, Negros Occidental, Guimaras, at Iloilo City;
* Region 7 (Central Visayas): Bohol, Cebu, Negros Oriental at Siquijor, Cebu City, Lapu-Lapu City, at Mandaue City;
* Region 8 (Eastern Visayas): Eastern Samar, Leyte, Northern Samar, Western Samar, Ormoc City, at Tacloban City;
* Region 9 (Zamboanga Peninsula): Zamboanga Del Sur, Zamboanga del Norte, Zamboanga Sibugay, City of Isabela, at Zamboanga City;
* Region 10 (Northern Mindanao): Bukidnon, Lanao del Norte, Misamis Occidental, Misamis Oriental, Cagayan de Oro City, at Iligan City;
* Region 11 (Davao): Davao Del Sur, Davao Del Norte, Davao Oriental, Davao de Oro, at Davao City;
* Region 12 (Soccsksargen): North Cotabato, Sarangani, South Cotabato at Sultan Kudarat, at General Santos City;
* Region 13 (Caraga): Surigao del Norte, Surigao Del Sur, Agusan Del Norte, Agusan del Sur at Butuan City; at
* Bangsamoro Autonomous Region in Muslim Mindanao: Maguindanao, Lanao Del Sur, at Cotabato City.
“These respective Alert Levels shall be in effect from Tuesday, Feb. 1, 2022 until Feb. 15, 2022,” wika ni Nogales.
Binanggit ni Nograles na iaanunsyo ng IATF-EID ang bagong alert level status ng Ifugao sa Lunes.
Noong Enero 21, isinailalim din sa mas mahigpit na Alert Level 4 ang Kalinga, Ifugao, Mountain Province, at Northern Samar.
Nauna rito, sinabi ni Health Secretary Francisco Duque III na ang NCR ay nakitaan ng pagbaba ng kaso ng Covid-19 nitong mga nakaraang araw at mataas ang saklaw ng pagbabakuna sa kalakhang lungsod.
Sinabi rin ni Duque na ang escalation o de-escalation ng alert level ay tinutukoy ng dalawang linggong growth rate ng lugar, ADAR, at health care utilization rate.
Sa gitna ng pagtaas ng mga kaso ng Covid-19, ang Metro Manila ay nasa Alert Level 3 mula noong Enero 3.
Sa ilalim ng Alert Level 2, ang intrazonal at interzonal na paggalaw ay papayagan.
Gayunpaman, ang mga local government units (LGUs) ay maaaring magpataw ng mga makatwirang paghihigpit na napapailalim sa pagtatasa ng kani-kanilang regional IATF.
Ang mga establisyimento na natukoy sa ilalim ng Alert Level 2 ay dapat payagang mag-operate sa maximum na 50 porsiyentong indoor venue capacity at 70 porsiyentong outdoor capacity para sa ganap na nabakunahang mga indibidwal. Ang mga MICE (meetings, incentives, conferences, and exhibitions), mga lugar para sa mga kaganapang panlipunan, mga atraksyong panturista, amusement parks, recreational venues, mga sinehan at movie houses, in-person religious gatherings, dine-in services, limitadong face-to-face o in persons classes, fitness studios/gyms at mga lugar para sa individual non-contact exercise at sports, contact sports na inaprubahan ng LGUs, funfairs, at karaoke bar at concert hall at teatro.
Gayunpaman, ang mga sumusunod ay hindi pinapayagang mag-operate sa ilalim ng Alert Level 2: casino, karera ng kabayo, sabong at pagpapatakbo ng mga sabungan, lottery at betting shops, at iba pang mga gaming establishment “maliban kung pinahihintulutan ng IATF o ng Office of the President”.
Sa ilalim ng Alert Level 2, ang mga ahensya ng gobyerno at mga instrumentalidad ay mananatiling ‘fully operational’ at sumusunod sa hindi bababa sa 80 porsiyentong on-site na manggagawa.
