MANILA – Ang pagpapalawak ng limitadong face-to-face classes ay resulta ng “mataas na kumpiyansa” ni Pangulong Rodrigo R. Duterte at education stakeholders sa matagumpay na pilot implementation sa 287 pampubliko at pribadong paaralan sa buong bansa, ipinahayag ng Department of Education (DepEd) nitong Miyerkules.
Sa isang pahayag, sinabi ng DepEd na ang pilot na pagpapatupad mula Nobyembre 15 hanggang Disyembre 20 noong nakaraang taon ay nakakuha ng kasiya-siyang resulta at positibong feedback mula sa mga mag-aaral, guro at magulang.
“There was no recorded confirmed Covid-19 case among the 15,683 learners who participated in the pilot implementation of limited face-to-face classes,” ayon sa pahayag.
Ang pagsusuri ng departamento ay nagpakita na ang mga mag-aaral na lumahok sa pilot na pagpapatupad ay may mataas na antas ng pagdalo at pagganap.
Tiwala rin ang mga mag-aaral na ligtas sila laban sa virus sa panahon ng mga klase dahil sa pagpapatupad ng mga protocol sa kalusugan at kaligtasan at mga pagpapabuti sa mga estratehiya sa pagtuturo at pagkatuto.
“The implementation also inculcated a culture of shared responsibility among the national government, parents and learners, the local government units (LGUs), teachers, school officials and staff, and other stakeholders in ensuring everyone’s safety and welfare,” isinaad ng DepEd.
Pinasalamatan din ng DepEd ang Department of the Interior and Local Government sa paghikayat sa mga LGU na suportahan ang limitadong in-person classes at ang Inter-Agency Task Force for the Management of Emerging Infectious Diseases para sa pagbuo ng responsive operational guideline sa face-to-face learning delivery.
Sa kanyang presentasyon kay Duterte noong Lunes ng gabi, inirekomenda ni Education Secretary Leonor Briones ang progresibong pagpapalawak ng limitadong face-to-face classes sa mga lugar na nasa ilalim ng Alert Levels 1 at 2 na hindi mas maaga sa unang linggo ng Pebrero.
Sinabi ni Briones na hihingin muna ng DepEd ang pagsang-ayon ng mga LGU at mga magulang ng mga mag-aaral bago mag-anunsyo ng karagdagang face-to-face classes sa mga eligible na lugar.
“Moving forward, we will continue our efforts in support of the vaccination drive of the national government since immunization is still a key element in boosting the confidence of community members for the return of face-to-face classes,” pahayag ng DepEd.
Inaprubahan ni Duterte ang rekomendasyon ng DepEd na palawakin ang limitadong face-to-face classes sa mga lugar na nasa ilalim ng Alert Levels 1 at 2 hanggang Pebrero.
