MANILA – Opisyal na binawi ni Senador Christopher Lawrence “Bong” Go ang kanyang kandidatura sa pagkapangulo sa tanggapan ng Commission on Elections (Comelec) sa Maynila nitong Martes ng umaga, eksaktong dalawang linggo matapos ideklara ang kanyang withdrawal.

Personal na isinumite ni Go ang kanyang statement of withdrawal sa Law Department ng poll body. Natanggap ang dokumento nitong 10:46 a.m., ayon sa tala ng Comelec.

“I am no longer in this race to run for the presidency in 2022, I spoke last November 30, I just waited a little while to let my supporters know that my heart and my mind really re-resisted to run as President,” wika ni Go sa isang panayam.

Isinaad ni Go, na kusang nagtungo sa tanggapan ng Comelec, na naramdaman niyang ito na ang tamang oras para maghain ng kanyang withdrawal. Kahit ang kanyang partido, ang PDP-Laban, ay hindi alam na naghahain siya ng withdrawal nitong Martes.

“No one knows. Because if I let them know, many will know,” sabi ng senador.

“I’m just looking for the right time. Honestly, I was the only one who came here, I just took a taxi. My security and driver, I didn’t inform them that I was going here,” wika niya.

Nang tanungin kung sino sa mga kandidato sa pagkapangulo ang kanyang susuportahan sa May 9, 2022 elections, iminungkahi ni Go ang isang taong maaaring magpatuloy sa mga programa ni Pangulong Rodrigo Duterte.

“The President and I will talk about it on who can continue the good programs started by President Duterte, Build, Build, Build program, help the poor, that’s what the President and I will support,” aniya.

Noong nakaraang buwan, inihayag ni Go ang kanyang pag-atras sa May 2022 polls. Siya ang standard bearer ng naghaharing partido.

Una niyang inihain ang kanyang COC para sa bise presidente. Gayunpaman, noong Nobyembre 13, binawi niya ang kanyang unang COC at naghain para sa pagkapangulo, bilang substitute ni Senador Ronald “Bato” dela Rosa.