MANILA – Mahigit 27 milyong Pilipino na ngayon ang ganap na protektado laban sa mga impeksyon sa coronavirus, ayon sa National Task Force (NTF) Against Covid-19 tracker noong Linggo.
Batay sa National Covid-19 Vaccination Dashboard, nakapagbigay na ang Pilipinas ng 59,134,236 dosis sa buong bansa.
Sa kabuuan, 31,862,067 na dosis ang ibinigay bilang unang dosis at 27,272,169 ang ginamit bilang pangalawang dosis.
Ang average daily vaccination rate ng bansa sa huling pitong araw ay nasa 518,294 na dosis.
Ipinahayag ni NTF chief implementer Secretary Carlito Galvez Jr. na nilalayon ng gobyerno na taasan ang average daily doses na ibinibigay sa 1.5 milyong dosis upang maisakatuparan ang layunin ng gobyerno na protektahan ang hindi bababa sa 50 milyong Pilipino sa pagtatapos ng taon.
Inaasahang tataas ang rate ng pagbabakuna habang magsisimula ang pagbabakuna sa mga bata sa buong bansa ngayong Nobyembre 3, na nagta-target ng 12.7 milyong menor de edad mula 12 hanggang 17 taong gulang.
Ang mga naunang hakbangin sa pagbabakuna ay nagbigay-priyoridad sa mga pasyenteng may mga komorbididad.
Ayon kay Galvez, hindi bababa sa 157 ospital at non-hospital immunization sites ang gagamitin.
Ang mga booster shots para sa mga healthcare workers ay maaaring ibigay ngayong Nobyembre, depende sa mga pagbabago sa Emergency Use Authorization at sa huling rekomendasyon ng World Health Organization.
