MANILA – Inihayag ng Malacañang nitong Huwebes na sisimulan ng Pilipinas ang pilot rollout ng inokulasyon ng mga menor de edad laban sa coronavirus disease 2019 (Covid-19) ngayong Oktubre 15.
Ito ay matapos na aprubahan ng Inter-Agency Task Force for the Management of Emerging Infectious Diseases (IATF-EID) ang isang plano na bakunahan ang mga batang may edad 12 hanggang 17 sa isang “phased approach,” ayon kay Presidential Spokesperson Harry Roque sa isang pahayag.
“The pilot will begin on October 15, 2021 under a phased approach as may be determined by the National Vaccination Operations Center,” sinabi ni Roque, na kumikilos din bilang tagapagsalita ng IATF-EID.
Isinaad ni Roque na ang mga menor de edad ay mababakunahan ng mga available na bakuna sa Covid-19 para sa emerhensiyang paggamit.
“Approved by the IATF is the pilot rollout of the vaccination of children ages 12 to 17 years old with vaccines granted Emergency Use Authorization by the Food and Drug Administration,” aniya.
Inaprubahan ni Pangulong Rodrigo Duterte ang pagbabakuna sa Covid-19 ng pangkalahatang populasyon, kabilang ang mga menor de edad, ngayong Oktubre.
Sa ngayon, ang mga healthcare worker, senior citizens, mga indibidwal may mga comorbidity, at mga indigents ay inuuna na sa kampanya ng pagbabakuna ng gobyerno laban sa Covid-19.
Sinabi ni National Task Force Against Covid-19 and vaccine czar, Secretary Carlito Galvez Jr. nitong Huwebes na ang karamihan sa mga local government unit (LGUs) ay handa na upang simulan ang programa ng pagbabakuna para sa mga bata at sa mas malawak na publiko.
Nitong Huwebes, nakatanggap ang Pilipinas ng halos 71.324 milyong dosis ng bakuna sa Covid-19.
Mula nang mailunsad ang programa ng pagbabakuna noong Marso ng taong ito, halos 45,147,477 na mga vial ng bakuna ng Covid-19 ang naibigay sa buong bansa.
Vaccination vs. MR-Td
Pansamantala, ang IATF-EID ay nag-endorso din sa mga LGUs ng pagsasagawa ng regular at catch-up na pagbabakuna at mga aktibidad ng pagbabakuna sa community-based Measles-Rubella and Tetanus-Diphtheria (MR-Td) ng Department of Health, sinabi ni Roque.
Hinimok ang mga LGU na bilisan ang pagbabakuna ng MR-Td “sa pamamagitan ng paglalaan ng Miyerkules para sa pagbabakuna sa bata at paglilipat ng mga healthcare workers mula sa mga target sa pagbabakuna ng Covid-19 sa nasabing araw para sa nabanggit na layunin,” ayon kay Roque.
Sinabi niya na ang mga indibidwal na nabakunahan laban sa MR-Td ay papayagang lumabas.
“Because of this, children less than 2 years old, 6-7 years old, and 12-13 years old shall be exempt from community quarantine restrictions for this purpose,” wika ni Roque.
