MANILA – Idineklara ng Malacañang nitong Huwebes na ang Metro Manila ay mananatili sa ilalim ng Alert Level 4 hanggang Oktubre 15 sa kabila ng pagbaba ng Covid-19 reproduction rate sa rehiyon.
Pinalawig ng Inter-Agency Task Force for the Management of Emerging Infectious Diseases (IATF-EID) ang pilot implementation ng Alert Levels System sa Metro Manila, ayon kay Presidential Spokesperson Harry Roque.
Upang muling buhayin ang ekonomiya, pinalawak ng IATF sa pamamagitan ng pagdagdag ng 10 porsyento sa pinahintulutang indoor capacities na dine-in services, mga in-person na serbisyong panrelihiyon, at mga personal care services sa mga lugar na nasa ilalim ng Alert Level 4 para sa mga ganap na nabakunahang indibidwal.
Pinagbigyan din ang pagpapatuloy ng mga fitness studio at gym na may limitadong 20% na kapasidad para sa mga indibidwal na ganap na nabakunahan, sa kondisyon na ang lahat ng mga manggagawa sa gym ay dapat ding kumpleto na sa bakuna.
Ang mga kliyente at service provider ay dapat na magsuot ng mga face mask sa lahat ng oras, at walang mga group activity.
Para sa mga establisimiyento na pinahintulutan na gumana sa ilalim ng Alert Level 4, inaprubahan rin ang karagdagang 10% na venue capacity na lampas sa ipinatupad na venue o seating capacity.
Quarantine classifications
Pansamantala, tinapos na ng IATF ang mga klasipikasyon ng quarantine ng komunidad para sa Oktubre.
Mula Oktubre 1 hanggang 15, ang mga lalawigan ng Apayao, Kalinga, Batanes, Bataan, Bulacan, Cavite, Lucena City, Rizal, Laguna, Naga City, at Iloilo ay isinailalim ng modified enhanced community quarantine (MECQ).
Abra, Baguio City, Ilocos Sur, Pangasinan, Cagayan, Isabela, City of Santiago, Nueva Vizcaya, Quirino, Quezon, Batangas, Bacolod City, Capiz, Iloilo City, Lapu-Lapu City, Negros Oriental, Bohol, Zamboanga del Norte, Zamboanga del Sur, Cagayan de Oro CIty, Misamis Oriental, Davao del Norte, Davao Occidental, Butuan City, at Surigao del Sur ay isinailalim sa general community quarantine (GCQ) with heightened restrictions from Oct. 1 to 31.
Ang Davao de Oro ay sasailalim din sa GCQ with heightened restrictions ngunit mula Oktubre 1 hanggang 15 lamang.
Sa ilalim ng GCQ mula Oct. 1-31 ay ang Ilocos Norte, Dagupan City, Benguet, Ifugao, Tarlac, Marinduque, Occidental Mindoro, Oriental Mindoro, Puerto Princesa, Albay, at Camarines Norte para sa Luzon.
Ang Aklan, Antique, Guimaras, Negros Occidental, Cebu City, Cebu Province, Mandaue City, Siquijor, at Tacloban City ay sasailalim din sa GCQ.
Ang magkatulad na pag-uuri ay inilagay sa Zamboanga Sibugay, Zamboanga City, Misamis Occidental, Iligan City, Davao City, Davao Oriental, Davao del Sur, General Santos City, Sultan Kudarat, Sarangani, North Cotabato, South Cotabato, Agusan del Norte, Agusan del Sur, Dinagat Islands, Surigao del Norte, Cotabato City, at Lanao del Sur.
Ang natitirang bahagi ng Pilipinas ay sasailalim sa modified general community quarantine (MGCQ).
