MANILA – Inihayag ng Malacañang na hindi papayagan ng Pilipinas ang International Criminal Court (ICC) na magsagawa ng mga pagsisiyasat sa mga panloob na gawain ng bansa sa ilalim ng mga batas sa hurisdiksyon.

Sinabi ni Presidential Spokesperson Harry Roque sa isang press briefing sa Palasyo nitong Lunes na ang Pilipinas lamang ang maaaring mag-imbestiga ng mga kriminal na pagkakasala sa ilalim ng hurisdiksyon nito.

Dagdag pa niya, walang hurisdiksyon ang mga imbestigador ng ICC upang siyasatin ang kampanya kontra-droga ng administrasyon mula nang opisyal na kumalas ang Pilipinas sa pagiging miyembro nito noong Marso 17, 2018 mula sa Rome Statute na lumikha sa ICC.

“Tanging Pilipinas lang po ang pwedeng mag-imbestiga ng mga krimen na nangyari sa kaniyang teritoryo ngayong hindi na po tayo kasapi sa Rome Statute ng ICC,” aniya, na ang Pilipinas ay isang malayang bansa.

Binigyang diin ni Roque ang mga biktima ng karapatang pantao at ang mga saksi ay hindi pinaghihigpitan mula sa paghahain ng mga kasong kriminal laban sa mga lumalabag sa karapatang pantao, sa pakikipagtulungan sa ICC.

“Karapatan po nila iyan,” aniya.

Ayon kay Roque, ang mga krimen laban sa sangkatauhan ay dapat iulat sa sistematiko o laganap na pamamaraan.

“So kinakailangan po talaga hundreds of thousands, thousands and thousands ang lilipad doon,” wika niya.

Hinimok din niya ang mga biktima ng karapatang pantao na magsampa ng mga reklamo sa harap ng korte ng Pilipinas.

Inangkin niya na ang pamamaraan ay tatagal ng 90 araw.

“Lahat po ng ating mga kababayan na sa tingin nila ay nalabag ang kanilang mga karapatan, maghain po kayo ng reklamo natin sa piskalya dito po sa Pilipinas, at mabilis pong proseso iyan,” isinaad niya.

Gayunman, nagbabala si Roque na magtatagal ang proseso ng pag-isyu ng mga warrant laban sa mga akusadong drug war criminal, kasama na si Pangulong Rodrigo Duterte.

“Dahil kung titingnan ninyo po ang case load ng prosecutor, talagang taon po ang tinatagal ng mga kasong subjected for preliminary investigation at lalung-lalo na po kung walang kooperasyon sa estado, pupuwede pong matulog iyang kasong iyan,” dagdag ni Roque.