MANILA – Inihayag ng Department of Health (DOH) noong Sabado na ang bilang ng mga aktibong kaso sa Metro Manila ay hindi pa umaabot sa rurok, ayon sa pag-aaral nito sa nakaraang linggo.

“At this point, in our analysis, hindi pa natin nakikita na nagpi-peak na po tayo dito sa mga kaso. Pinag-aaralan po nating maigi ‘yan,” sinabi ni Health Undersecretary Maria Rosario Vergeire sa isang pagtatagubilin sa Laging Handa.

Isinaad niya na ang National Capital Region (NCR) ay mayroong humigit-kumulang 8,000 kaso sa isang araw noong nakaraang linggo, na unti-unting bumaba sa halos 5,000 hanggang 5,500.

“Ito pong recent days nakita natin 5,800 naman, so tataas, bababa, tataas, bababa,” aniya.

Sa nakaraang linggo, ang pitong-araw na moving average sa NCR ay tumaas ng 8% hanggang 5,825 kumpara sa 5,410 mula Setyembre 4 hanggang 10.

Ayon sa kamakailang data ng DOH, mayroong 52,561 aktibong Covid-19 na kaso sa NCR.

Ang pahayag ay dumating kasunod ng isang ulat mula sa OCTA Research Group na may mga “maagang pahiwatig” na ang pagtaas ay maaaring umakyat sa Metro Manila.

Sinabi ni Dr. Guido David na ang bilang sa rehiyon ay nabawasan sa 1.22, habang ang rate ng nag-positibo ay nabawasan hanggang 24 porsyento.

Dahil sa backlog ng pag-uulat ng mga kaso, sinabi niya na aasahan niya na may mga araw na maaaring tumaas pa rin ang mga kaso.

“Efforts must be sustained because trends may still reverse, i.e. cases may increase again if care is not taken,” aniya.

Ang Metro Manila ay nananatili sa ilalim ng pag-uuri na “high-risk case”, nangangahulugang mayroon itong dalawang linggong rate ng paglago sa mga naitalang kaso pati na rin ang high average daily attack rate.

Nasa ilalim din ng parehong klasipikasyon ang Mga Rehiyon 1, 2, 3, 4-A, 6, 9, 10, 12, Cordillera Administrative Region, at Caraga.

“As to the ICU utilization and health care utilization, most of them still have high utilization for ICU and bed. If we look at it, we are still at the risk level where we need to monitor closely,” wika ni Vergeire.