MANILA – Inihayag ni Justice Secretary Menardo Guevarra nitong Huwebes na ang Commission on Audit (COA) ay may awtoridad na siyasatin ang mga librong pampinansyal ng Philippine Red Cross (PRC) sapagkat nakakakuha ito ng tulong sa gobyerno o equity.

“Under the constitution, the COA has the power to examine on a post-audit basis all accounts pertaining to the expenditure or use of fund by any non-governmental entity receiving subsidy or equity, directly or indirectly, from or through the government,” sinabi ni Guevarra sa mga reporter.

Dati nang iniutos ni Pangulong Rodrigo Duterte ang pag-audit sa PRC na pinamumunuan ni Senador Richard Gordon.

“The Philippine Red Cross is one such entity receiving subsidy or equity from the government through the instrumentality of the Philippine Charity Sweepstakes Office,” wika ni Guevarra.

Nauna nang sinabi ni Presidential Spokesperson Harry Roque na maaaring tingnan ng COA ang memorandum of agreement (MOA) ng PRC kasama ang mga alkalde ng Metro Manila para sa Covid-19 testing, pati na rin ang MOA nito upang makakuha ng advance payment na PHP100 milyon mula sa Philippine Health Insurance Corp. (PhilHealth) para sa testing service.

Idinagdag ni Roque na ang kundisyon ng paunang bayad sa ilalim ng MOA ay lumalabag sa PRC Charter and Republic Act (RA) 11469 o ang Bayanihan to Heal as One Act na tumutukoy na ang reimbursement, at hindi ang advance payment, ay pinapayagan sa paglipat ng mga kalakal.

Kinuwestiyon din ni Roque ang hakbang ng PRC na magpataw ng rate na PHP3,500 bawat Covid-19 test, kahit na ang mga makina na ginamit para sa testing ay bigay.

Sinabi niya na ang gastos ng Covid-19 ay mas mataas kumpara sa PHP2,077 na dapat sisingilin ng PRC para sa bawat pagsubok dahil ang mga machine na ginagamit nito ay bigay.