MANILA – Inihayag ng Malacañang nitong Lunes na ang pandaigdigang krisis sa suplay ay nakababag sa gobyerno mula sa pagkuha ng maramihang mga Covid-19 na gamot, partikular ang anti-inflammatory tocilizumab.

Kinumpirma ni Presidential Spokesperson Harry Roque na ang bansa ay nagkulang sa tocilizumab, isang gamot para sa Covid-19.

“Pero humahanap na po tayo ng alternatibo at nakahanap naman po tayo at ang alternatibo ay baricitinib,” aniya.

Ayon kay Roque, ang gobyerno ay kumukuha ngayon ng mas maraming gamot na baricitinib bilang isang alternatibo sa tocilizumab.

“Kaya po tayo nga kukulang, hindi sa hindi tayo bumibili ng Toci… kung hindi world supply problem po muli. Wala po tayong magagawa dyan dahil hindi naman natin mina-manufacture iyan,” dagdag niya.

Sinabi din niya na kumukuha pa rin ang gobyerno ng mga remdesivir na gamot para magamit sa na-ospital na mga pasyente na Covid-19.

Binalaan ni Roque ang publiko na huwag malinlang ng mga nagtatangkang pagsamantalahan ang krisis ng Covid-19 para sa kanilang sariling pampulitika.

“Huwag po tayo magpadala sa usaping politika. Madami na pong kandidato. Lahat po magsasabi sila ng kung anu-anong mga bagay para suyuin kayo pero ang katotohanan po, lahat po ng gamot ay naririyan kung nagkukulang tayo ng tocilizumab, hindi po dahil hindi tayo bumili kundi walang supply at humahanap ho ng alternatibo,” saad ni Roque.