MANILA – Hinimok ni Armed Forces of the Philippines (AFP) chief-of-staff Lt. Gen. Jose Faustino Jr. ang publiko na patuloy na parangalan ang mga sakripisyo ng mga front-liner sa gitna ng nagaganap na coronavirus disease 2019 (Covid-19) pandemic, sa pagdiriwang ng National Heroes’ Day.
“Those are the people who continue to persevere in saving lives in hospitals, in producing our food and other essential supplies, and in keeping our communities safe amid this pandemic,” sinabi niya sa isang pahayag noong Linggo.
Ipinahayag ito ni Faustino habang ginugunita ng bansa ang buhay at pamana ng mga pambansang bayani ng Pilipinas na naging batayan ng kalayaan at mga demokratikong mithiin.
Sa kabila ng mga hadlang na dala ng pandemya, hiniling ni Faustino sa lahat ng mga Pilipino na ipagpatuloy ang pagkilala sa mga sakripisyo ng mga bayani at tandaan na “lahat ay mga bayani sa ating sariling larangan at sa ating sariling maliliit na pamamaraan.”
Tuwing huling Lunes ng Agosto, iginagalang ng bansa ang mga makasaysayang rebolusyonaryo pati na rin ang mga hindi kilalang kalalakihan at kababaihan na nagbuwis ng kanilang buhay sa paglaban para sa kalayaan mula sa kolonyal na awtoridad.
“Likewise, we recognize our modern day heroes who continue to defend and promote Filipino values, principles, and values that form our national identity,” dagdag niya.
