MANILA – Ipinahayag ni Philippine Institute of Volcanology and Seismology (Phivolcs) Director Renato Solidum Jr. noong Miyerkules ng gabi na ang aerosol na nakita sa Metro Manila ay maaaring nagmula sa Bulkang Taal.

“The possibilities of volcanic SO2 (sulfur dioxide) aerosol affecting Metro Manila cannot be discounted,” saad niya.

Sinabi niya na batay sa air parcel trajectories ng weather bureau, ang SO2 ay maaaring asahan na maaanod sa mas mababang 1.5-kilometro sa kanluran ng Taal at sa hilaga ng baybayin ng timog-kanlurang Luzon.

Noong Miyerkules, ang Bulkang Taal ay may mataas na antas ng SO2 emission, na may average na 7,830 tonelada bawat araw.

Sa mga nagdaang araw, ang mga lokalidad sa kanluran ng isla ng bulkan ay nag-ulat din ng malakas na amoy ng S02, ayon kay Solidum.

Sinabi rin niya na ang malakas na pag-ulan na naganap sa buong lungsod at timog-kanluran ng Luzon ay makakatulong na alisin ang ilan sa SO2 mula sa hangin, at binabawasan ang mga epekto nito.

Ang S02 gas, ayon sa Phivolcs, ay maaaring magdulot ng mga sakit sa balat, mata, ilong, at lalamunan.

Ang Bulkang Taal ay nasa Alert Level 2 (deceased unrest) mula noong Hulyo 23. Sa ilalim ng antas na ito, biglaang singaw o pagsabog, mga lindol mula sa bulkan, minor ashfall, at nakamamatay na akumulasyon o volcanic gas expulsion ay maaaring mangyari at magbanta sa mga lugar sa loob at paligid ang Taal Volcano Island (TVI).