MANILA – Nagbabala ang pulisya laban sa pag-iimbak ng mga kagamitang pang-medikal at mga supply, tulad ng mga tanke ng oxygen na ginagamit sa paggamot ng mga pasyente, at hinimok ang publiko na iulat ang mga nasabing insidente.

Sa gitna ng tumataas na bilang ng mga kaso ng coronavirus, sinabi ni Philippine National Police Chief Gen. Guillermo Eleazar, na patuloy na magbabantay ang pulisya para sa mga taong nag-iimbak ng mga kagamitang medikal sa panahon ng krisis sa kalusugan.

“Patuloy na magbabantay ang PNP upang maiwasan ang hoarding ng oxygen tanks at iba pang medical equipment at supplies,” sinabi niya sa isang pahayag.

Hinimok ni Eleazar ang publiko na ibunyag ang impormasyon tungkol sa mga walang prinsipyong indibidwal na nag-iimbak ng mga kagamitang medikal at suplay.

“Mahalaga ang oxygen tanks at iba pang medical equipment at supplies ngayong nasa gitna tayo ng pandemya kaya’t sana magkaroon tayo ng malasakit sa ating kapwa lalo na sa mga mas nangangailangan ng mga ito,” saad ni Eleazar.

Ayon kay Health Secretary Francisco Duque, kasalukuyang walang kakulangan ng medical grade oxygen, ngunit pinayuhan ang publiko na huwag mag-ipon ng mga tanke ng oxygen sa bahay upang magpatuloy ang pag-ikot ng suplay at maiwasan ang kakulangan.