MANILA – Ang kargamento ng isang milyong dosis ng bakunang Sinovac ay dumating sa Ninoy Aquino International Airport Terminal 2 sa Pasay City noong Huwebes ng gabi.
Ipinahayag ni Vaccination czar Secretary Carlito Galvez Jr. na ang supply na dumating dakong alas-6 ng gabi sa flight ng Philippine Airlines na PR 359, ay magpupuno sa kahilingan ng NCR para sa karagdagang apat na milyong dosis sa panahon ng ECQ mula Agosto 6 hanggang 20.
“Kaya po natin punan ‘to sa ating stocks,” sinabi ni Galvez sa isang panayam.
“Ino-organize po natin na maging mas maayos ang pagbabakuna. ‘Wag po tayo magmadali at di po kayo mauubusan ng bakuna dahil maraming parating na bakuna,” dagdag niya.
Sinabi din ni Galvez na ang mga suplay ay paiigtingin sa iba pang mga lugar tulad ng Laguna, Bulacan, Cavite, Rizal, Metro Davao, Metro Cebu, Cagayan de Oro City, Iloilo, Aklan, Apayao, at Ilocos region.
Ayon kay Presidential Spokesperson Harry Roque Jr., ang Laguna, Iloilo City, at ang Cagayan de Oro ay sasailalim din sa ECQ, habang ang Cavite, Lucena City, Rizal, at ang lalawigan ng Iloilo ay sasailalim sa modified ECQ.
Noong Agosto 4, isang kabuuang 22,488,705 na dosis ng bakuna ng Covid-19 ang naibigay sa buong bansa mula nang magsimula ang pamamahagi mula Marso.
Sa pagtatapos ng buwan na ito, 22.7 milyong mga dosis ng bakuna ang inaasahang makukuha ng pamahalaan at masisiguro sa pamamagitan ng mga dayuhang donasyon.
