MANILA – Umabot na sa 1,467,269 ang kabuuang bilang ng mga gumaling mula sa coronavirus disease 2019 (Covid-19) sa bansa na may 5,573 na bagong paggaling noong Linggo.

Ito ay 94.7% recovery rate mula sa 1,548,755 mga kaso mula nang magsimula ang pandemya noong nakaraang taon, ayon sa Department of Health (DOH).

Kinumpirma din ng DOH ang 5,479 karagdagang mga kaso, na nagdaragdag ng pangkalahatang bilang ng mga aktibong kaso sa bansa sa 54,262, o 3.5% ng lahat ng mga kaso.

Mayroong 93.4% mild cases, 1.2% na asymptomatic, 2.3% malubhang kaso, 1.63% moderate, at 1.4% ay nasa kritikal na kondisyon.

Umabot rin sa 93 bilang ang kamamatay lang, na siyang nag-aakyat sa total local death toll sa 27,224, o 1.76% ng lahat ng mga kaso.

Ayon sa DOH, limang mga duplicate ang naalis mula sa kabuuang bilang ng kaso, tatlo dito ay mga gumaling na.

Samantala, matapos itong i-validate, 50 mga pasyente na dating natukoy bilang gumaling na ay nauri bilang mga nasawi.

Noong Hulyo 23, iniulat ng DOH na 13.1% ng 47,000 katao ang nagpositibo para sa Covid-19.

Ang lahat ng mga laboratoryo ay gumagana noong Hulyo 23, subalit tatlo ang hindi nakapagbigay ng data sa Covid-19 Document Repository System.

Ang tatlong mga hindi nakapag-ulat na mga laboratoryo ay nakapagtala ng 0.1% ng mga sample test at 0.2% ng mga positibong indibidwal, batay sa data mula sa nakaraang 14 na araw.

Sa ngayon, 57% ng 3,500 mga intensive care unit bed, 47% ng 19,500 na mga isolation bed, 44% ng 12,000 ward bed, at 38% ng 2,800 na mga ventilator na itinalaga sa mga pasyente ng Covid-19 ay ginagamit sa buong bansa.

Sa Metro Manila, 46% ng 1,100 intensive care unit bed, 41% ng 4,700 isolation bed, 37% ng 3,400 ward bed, at 36% ng 1,000 ventilator na inilalaan sa mga pasyente ng Covid-19 ay ginagamit.