MANILA – Ang mga patakaran sa sapilitang pagbabakuna, katulad ng ibang bansa, ay nangangailangan ng masusing pagsisiyasat bago ito maipatupad.
Inihayag ni Department of Justice Secretary Menardo Guevarra ang kanyang tugon noong Huwebes kasunod ng mensahe sa Twitter ni Foreign Secretary Secretary Teodoro Locsin Jr., na nagtanong tungkol sa ligal na implikasyon ng mga paaralan na humihiling na mabakunahan ang kanilang mga guro laban sa Covid-19.
“Though policy questions like these will most likely be discussed at the Cabinet meeting first,” sinabi ni Guevarra sa mga mamahayag.
“@DOJPH Help please. Need your opinion. Is it legal for schools to require teachers to vaccinate before letting them in the classroom when face to face allowed? Can they fire teachers who refuse for cock and bull conscientious reasons? I’m serious,” saad ni Locsin sa Twitter nitong Huwebes.
Sinabi ni Guevarra na ang tanong ni Locsin ay maaaring napalitaw ng bagong patakaran sa Pransya na nangangailangan ng isang vaccination card para sa sinumang papasok sa isang cafe, restawran, shopping center, ospital, o sumakay ng tren.
Sinabi ng Pangulo ng France na si Emmanuel Macron na ang bagong patakaran ay magsisimula sa Agosto. Ang health pass, na kilala bilang EU Digital Covid Certificate, ay nagpapahiwatig kung ang isang tao ay nabakunahan laban sa Covid-19, nakatanggap ng isang kamakailang negatibong resulta ng pagsusuri, o gumaling na mula sa sakit.
Iniutos ng tanggapan ng alkalde ng lungsod sa Moscow na ang dalawang milyong manggagawa, kabilang ang mga frontline health staff, ay mabakunahan. Ang mga negosyo ay susuriin upang matiyak na sumusunod sila sa panuntunan.
Sa Germany, ang mga restawran at bar na nangangailangan ng kamakailang negative test result sa coronavirus ay magpapahintulot sa mga taong nabakunahan na pumasok.
Nakapagbakuna na ang Pilipinas ng 15,096,261 katao noong Hulyo 18, na may 4,708,073 na nakatanggap ng buong dosis.
Sa kabuuang 15,096,261 na nakatanggap ng hindi bababa sa isang dosis, ang pangkat ng A3 (matatanda na may mga comorbidities) ang nangunguna sa listahan na may 3,440,132.
