MANILA – Ang Tropical Storm Fabian ay lalong tumindi, bagama’t hindi pa rin magdadala ng malakas na pag-ulan, ayon sa huling tala ng PAGASA nitong Lunes. 

Ang “Fabian” ay may lakas na hangin na 95 kph malapit sa gitna, at may bugso na hanggang sa 115 kph. Huli itong nakita na gumagalaw pa-hilagang-kanluran sa bilis na 15 kph, 1,055 kilometro silangan hilagang-silangan ng extreme northern Luzon.

Walang tropical cyclone wind signal (TCWS) na may bisa ngayon. Gayunman, binalaan ng PAGASA ang mga residente at tagapamahala ng kalamidad sa Batanes at Babuyan Islands na bantayan nang mabuti ang mga tropical cyclone bulletin dahil ang anumang karagdagang southward shift sa forecast track ay maaaring magresulta sa pag-angat ng TCWS no. 1 sa mga lugar na ito.

Ayon sa PAGASA, si “Fabian” ay maaaring lumabas sa Philippine Area of Responsibility alinman sa Martes o Miyerkules.

Pinapayuhan ang mga mandaragat na mag-ingat. Gayundin, ang mga walang karanasang marino na dapat umiwas sa paglalayag dahil sa kalagayan ng panahon ngayon.

Ang southern monsoon na pinalakas ni “Fabian” ay magdudulot ng pag-ulan sa Ilocos Region, Zambales, Bataan, Occidental Mindoro, at Palawan sa susunod na 24 na oras, ayon sa PAGASA.