Nakasisiguro si Albay Second District Rep. Jose Ma. Clemente “Joey” Salceda na tatakbo sa pagka-Pangulo ang presidential daughter na si Davao City Mayor Sara Duterte-Carpio sa 2022 national elections.
“It can easily be construed by any ordinary person. I can’t be on her side in Davao. Common sense,” diin ni Salceda na isang kaalyado ng alkalde.
Nagpasalamat naman si Duterte-Carpio kay Salceda para sa pagtulong sa kanya na mag-“shine under his light.”
Nang tanungin naman kung paano mapagniningning ni Salceda si Duterte-Carpio, pabiro itong sumagot na: “What will I do to make her shine? With my flashlight?”
Bagama’t nanguna si Duterte-Carpio sa mga naunang surveys tungkol sa presidential candidates kasabay nang paglipana ng “Run, Sara, Run” na tarpaulins, tinanggihan nito ang usap-usapang nagbabalak siyang tumakbo bilang Presidente hanggang sa 2034.
Samantala, nauna namang inihayag ni Pangulong Rodrigo Duterte na ayaw niyang tumakbo sa pagka-Pangulo ang anak na si Mayor Sara sapagkat hindi umano “pambabae” ang trabaho ng Presidente.
