Sampung point-to-point provincial bus routes ang magbabalik-operasyon simula Disyembre 21, alinsunod sa anunsyo ng Land Transportation Franchising and Regulatory Board (LTFRB).
Sinabi ni LTFRB Chairman Martin Delgra sa Laging Handa briefing noong Biyernes na kasalukuyan silang nakikipagkoordinasyon sa mga local government units upang palawigin ang operasyon ng to provincial P2P buses.
Noong Disyembre 15, pinahintulutan ng Inter-Agency Task Force for the Management of Emerging Infectious Diseases (IATF) ang balik-operasyon ng mga point-to-point provincial buses.
Ang 10 ruta na magbubukas sa Disyembre 21 ay ang:
⦁ Clark, Pampanga – SM North EDSA
⦁ Clark, Pampanga – NAIA Terminal (kabilang ang limited stop sa Ortigas)
⦁ Clark, Pampanga – Lubao, Pampanga (kabilang ang special stops sa San Fernando at Angeles City)
⦁ Clark, Pampanga – Dagupan, Pangasinan (kabilang ang special stops sa Rosales at Urdaneta, Pangasinan)
⦁ Clark, Pampanga – Subic, Zambales (kabilang ang special stop sa Dinalupihan, Bataan)
⦁ NAIA/Parañaque Integrated Terminal Exchange (PITx) – Baguio City
⦁ Batangas City – Ortigas
⦁ Batangas City – Parañaque Integrated Terminal Exchange (PITx)
⦁ Lipa City, Batangas – Ortigas
⦁ Lipa City, Batangas – Parañaque Integrated Terminal Exchange (PITx)
“Tuluy-tuloy ang ugnayan natin sa mga LGUs sa pagbubukas ng mga ruta. Nag bukas na rin tayo ng mga ruta, I’m referring to provincial bus routes, as early as September 30,” wika ni Delgra.
Batay sa Memorandum Circular 2020-082, ang bagong P2P routes ay mayroong 269 public utility buses.
