Hinikayat ni Pangulong Rodrigo Duterte at Pangalawang Pangulo Leni Robredo ang mga Pilipino na tularan ang ipinamalas na tapang ng ama ng Philippine Revolution na si Andres Bonifacio, habang kasalukuyang nakikipaglaban ang bansa sa Covid-19 pandemic at epekto ng mga nagdaang bagyo.

Pinag-alab ni Bonifacio “ang apoy ng rebolusyon na gumising sa diwa ng taumbayan at nagsilbi bilang pundasyon ng republika” noong panahon ng Kastila, ani Duterte, sa ika-157 na kaarawan ng Supremo.

“Now more than ever, as we overcome the challenge of Covid-19 pandemic, as we remember his life and deeds, may the values he fought for inspire us all to become martyrs of the just, progressive, and inclusive society that he envisioned more than a century ago,” sabi ng pangulo sa isang taped message. 

Dagdag pa nito. “Fueled by extraordinary courage and determination, let us surmount the many challenges ahead and secure a much better and brighter future for every Filipino.”

Ayon naman kay Robredo, si Bonifacio ay kilala sa pagiging matapang. Ang kanyang katapangan at nag-uugat sa pagmamahal niya sa kapwa Pilipino.

Aniya, “Hindi pakitang-tao ang tapang na ito. Ito ang tapang na hindi basta-basta tumitiklop dahil mahirap ang landas na hinaharap.”

“What Bonifacio exemplifies is not the cosmetic courage of bluster, or power, or brute strength; it is the courage of compassion,” dagdag pa ng bise-presidente.