Umakyat sa lima ang typhoon evacuees sa Marikina City na nagpositibo sa Covid-19, ayon sa alkalde ng lungsod noong Linggo.

Ayon kay Mayor Marcelino Teodoro, naka-isolate na aniya ang mga pasyente. Sumailalim ang nasa 12,000 evacuees sa rapid antibody testing, kung saan 153 ang “reactive” habang 5 ang kumpirmadong nagpositibo.

Nagnegatibo naman ang close contacts ng mga pasyente, habang 190 contact tracers naman ang na-deploy upang subaybayan ang mga evacuation sites.