Dapat umanong maging alerto ang mga local government units (LGUs) para sa sintomas ng Covid-19 mula sa libu-libong nagsilikas dahil sa pananalasa ng Bagyong Quinta, pahayag ng Malacañang noong Oktubre 26.
“Lahat po ng magkakasintomas kailangan i-isolate sa evacuation centers. Pero hindi po kinakailangang i-test ng PCR,” giit ni Presidential Spokesperson Harry Roque.
Dapat din umanong magsuot ang mga evacuees ng face masks at face shields habang inoobserbahan ang physical distancing, dagdag pa ni Roque.