Kilos-protesta, puwedeng ituring na terorismo, ayon sa IRR ng Anti-terror law

Share on facebook
Share on twitter
Share on telegram
Share to social media
Kuha ni: Deejae Dumlao (The Philippine STAR)

Malinaw na nakassad sa Implementing Rules and Regulations (IRR) ng Anti-Terrorism Act na ang pagdaraos ng kilos-protesta at iba pang mga demonstrasyon para sa paggiit ng mga karapatang pulitikal at sibil ay puwedeng ikonsidera bilang terorismo, kung sasaklaw ito sa malawak na depenisyon ng batas.

Sa ilalim ng Section 4 ng Republic Act 11479 o ang Anti-Terrorism Act of 2020, hindi dapat kabilang sa terorismo ang advocacy, protest, dissent, stoppage of work, industrial o mass action, at iba pang kaparehong “exercises of civil and political rights” – basta’t hindi ito makapagdudulot ng “seryosong banta” o kapahamakan sa kaligtasan ng publiko.

Ang IRR, na inilabas ng Department of Justice noong Oktubre 17, ay nagpalawig ng nasabing probisyon, at sinabing ang mga taong kaugnay sa mga nabanggit na aktibidad ay maaaring managot para sa terorismo kung sila ay masasangkot o magsasagawa ng:

• Intimidation sa taumbayan o bahagi ng publiko;

• Pagpapakalat ng pangamba sa publiko

• Paghamon sa pamamagitan ng intimidation sa anumang government o international organization ;

• Pagwasak o pagsira sa fundamental political, economic, o social structures;

• Paglikha ng public emergency o magbanta sa kaligtasan ng publiko

Ang magpapatunay sa intensyon ng akusado ay nakasalalay sa “prosecution arm of the government,” dagdag pa ng IRR.

Ayon naman sa mga kongresista na nagbalangkas ng batas, pati na rin ang mga sumuporta rito, hindi gagamitin ang batas para habulin ang mga kritiko ng pamahalaan batay sa Section 4 nito.

Samantala, ilang law experts, framers ng Konstitusyon at human rights advocates ang dumulog sa Korte Suprema para hiilingin ang pagbabasura ng Anti Terrorism Law dahil sa “malabo at malawak” na depenisyon nito ng terorismo.

Ang mga aakusahang lalabag sa batas ay mahaharap naman sa 12 taong pagkakakulong.

LATEST

LATEST

TRENDING