COA, natuklasan ang mahigit ₱900M overpayments ng PhilHealth noong 2019

Share on facebook
Share on twitter
Share on telegram
Kuha ni: Mark Demayo (ABS-CBN News)

Natuklasan ng Commission on Audit (COA) na mahigit ₱900 milyong “overpayments” ang ginawa ng Philippine Health Insurance Corporation (PhilHealth) para sa mga health care institutions noong 2019.

Inirekomenda ng komisyon para sa “paulit-ulit” na isyu ang pagre-review at pag-revise sa payment scheme guidelines ng PhilHealth.

“Full reimbursements of the package rates (All Case Rates (ACR) and Z Benefit) to various Health Care Institutions (HCIs) for 312,577 sampled claims despite the lower member-patients’ actual hospital charges plus the maximum amount of Professional Fees (PF) resulted in an overpayment of ₱936.653 million,” paglilinaw ng Commission on Audit sa 2019 audit report ng PhilHealth na inilathala sa COA website noong Oktubre 9.

Binigyang diin ng COA na nagkaroon ng overpayments sa mga accredited health service providers sa National Capital Region, Rizal, CARAGA, Ilocos, Eastern Visayas, at Zamboanga, kung saan umabot ito ng halos P933.8 milyon sa ilalim ng case rate system. Dapat umano itong tanggalin ayon naman sa isang mambabatas dahil pinapalaganap lamang nito ang kultura ng kurapsyon sa ahensya.

Ayon sa COA, ang health care institutions sa CARAGA ay nakakuha ng pinakamalaking share ng excess reimbursements sa ilalim ng case rate scheme sa halagang ₱375,160,840. Ito naman ay sinundan ng Metro Manila, sa P364,084,352 at Zamboanga Peninsula, sa ₱192,346,970.

Sa ilalim ng nasabing case rate scheme, ang bayad para sa gamutan ng ilang sakit, tulad ng pneumonia, at nakatakda na. Sa madaling salita, gaano man kalaki ang bayaring matamo ng pasyente sa gamutan ng kanyang sakit, magbabayad ang PhilHealth ng fixed rate para rito.

Samantala, ang Z benefit package naman ay layong magprotekta mula sa financial risk eligible PhilHealth members na may mga sakit na nangangailangan ng mahabang pananatili sa mga ospital at mahal na gamutan, tulad ng childhood acute lymphocytic leukemia at breast cancer.

Ang mga nasabing payment schemes ay “detrimental to PhilHealth’s interest as the Corporation incurred unnecessary expenses (taliwas sa interes ng PhilHealth bilang korporasyon dahil sa pagkakaroon ng mga hindi kinakailangang gastusin),” diin ng COA.

Dagdag pa nito, “Moreover, the excess payments being made to the HCIs constitute a loss to PhilHealth as it could have been utilized to pay other benefit claims (Ang sobrang payments para sa mga HCIs ay kawalan sa PhilHealth dahil puwede sana itong ginamit para bayaran ang iba pang benefit claims).”

Ayon sa komisyon, ang overpayments ay labag sa Section 2 ng Presidential Decree 1445, kung saan nakasaad na hindi dapat sayangin ang pera ng gobyerno.

Dahil “paulit-ulit” na isyu ang excess payment, dapat umanong i-review at i-revise ng PhilHealth ang guidelines nito tungkol sa payment scheme at ipabilang ang isang probisyon na nagsasaad na ang mga reimbursements ay dapat ibase sa actual hospitalization charges, pati na ang professional fee o medical case rate, “alinman ang mas mababa,” giit ng COA.

LATEST

LATEST

TRENDING