Ombudsman, sinuspinde ang ilang PhilHealth officials

Share on facebook
Share on twitter
Share on telegram
Share to social media
Ombudsman Samuel Martirez
Kuha ni: Darren Langit

Ipinag-utos ni Ombudsman Samuel Martires ang suspensyon ng 13 PhilHealth officials habang nasa gitna ng imbestigasyon ang ahensya hinggil sa mga alegasyon ng katiwalian, ayon sa isang highly-placed source at sa mga kopya ng dokumentong ibinahagi ng isang mambabatas.

Ipinakita ni Iloilo 1st District Representative Janette Garin noong Agosto 19 ang mga larawan ng kautusang nilagdaan ni Martires, kung saan nakalista ang mga pangalan ng opisyal na pinatawan ng presentive suspension nang anim na buwan at walang pasahod. Sila ay sina:

Roy B. Ferrer

Celestina Ma. Jude dela Serna

Ruben John A. Basa

Dennis S. Mas

Shirley B. Domingo

Rodolfo Del Rosario Jr.

Raul Cominic Badilla

Israel Pargas

Angelito Grande

Lawrence Mijares

Leila Tuazon

Isa pang kautusan ang nagpataw ng suspensyon sa mga opisyal na ito nang anim na buwan:

Roy B. Ferrer

Ruben John Basa

Clementine A. Bautista

Angelito Grande

Eugenio G. Donatos II

Subalit, hindi pa tiyak kung paano susunod sina Ferrer, Basa, at Grande sa kautusan ng suspensyon.

Ayon sa highly-placed source, ang kautusan ay itinakdang ihain sa Agosto 19, at ito ay nag-ugat mula sa lumang reklamo na walang kaugnayan sa Covid-19.

Kinilala naman ni Senador Migz Zubiri ang balita tungkol sa kautusan ng Ombudsman.

That is great news! A small victory in our fight against the corruption in the Government’s Health Insurance agency. I totally laud the Ombudsman on this (Isang magandang balita! Isa itong maliit na tagumpay sa laban kontra katiwalian sa PhilHealth. Sumasaludo ako sa Ombudsman),” ani Zubiri.

Naghain ng resolusyon noong Agosto 19 si Zubiri upang humiling sa Office of the President na isuspinde ang mga opisyal ng PhilHealth na sangkot sa kurapsyon.

LATEST

LATEST