COMELEC: Voter registration, ibabalik na sa Hulyo 1

Share on facebook
Share on twitter
Share on telegram
Share to social media

Magbubukas na muli ang voter registration sa darating na Hulyo 1.

Ayon sa tweet ni COMELEC Spokesperson James Jimenez “Mag-resume ang #VoterReg2020 sa (Voter registration will resume) July 1. #MagparehistroKa (Go register)”.

Ito ay matapos ma-extend ang suspensyon ng voter registration hanggang Hunyo 30, 2020 dahil sa pag-iral ng enhanced community quarantine.

The period from May 1 to June 30 will give the Commission time to put in place anti-COVID-19 measures in relation to the conduct of the registration of voters once it resumes (Ang panahon mula Mayo 1 hanggang Hunyo 30 ay magbibigay ng karampatang panahon para sa COMELEC upang magpatupad ng mga Anti-Covid-19 measures upang matugunan ang muling pagbubukas ng voter registration,” wika ni COMELEC Executive Director Bartolome J. Sinocruz, Jr.

Noong Mayo 31, inanunsyo ng Komisyon na magpapatupad ito ng “No Face-to-Face Transactions” na palisiya sa lahat ng mga opisina sa bansa bunsod ng pagbabalik-operasyon nito sa Hunyo 1.

In order to ensure the safety of the public during the COVID-19 pandemic, the offices of the Comelec nationwide will be instituting a ‘No Face-to-Face Transactions’ policy (Upang matiyak ang kaligtasan ng lahat sa panahon ng Covid-19 pandemic, magpapatupad ng ‘No Face-to-Face Transactions’ policy’ ang lahat ng opisina ng COMELEC sa buong bansa),” paglilinaw ng COMELEC.

Binanggit nitong ang mga transaksyon ay isasagawa lamang sa pamamagitan ng sulat, email, o fax.

Magkakaroon din ng skeletal work forces ang lahat ng opisina ng COMELEC upang mabawasan ang hawaan ng coronavirus. Nangangahulugan itong sasailalim sa teleworking o work-from-home arrangement ang mga empleyadong at-risk sa nakamamatay na sakit.

Pinaalalahanan din ng ahensya ang publiko na magsuot palagi ng face mask, obserbahan ang tamang paghugas ng kamay, at pagsunod sa social distancing.

LATEST